Pathetic ( جنية )

أنا بقيت عامل زي اللي مروح من الشغل وقابض مرتبه اللي هو عبارة عن جنية

بينما هو ماشي بيلعب بيه غفل ووقع الجنية , فمش عرف يعمل ايه ؟؟
اتأخد فترة واتصدم وفضل متنح ، ولما فتح وخاد باله لقى الناس بتقوله :

ربنا يعوض عليك ، اشتغل الشهر الجاي اكتر وانت هاتأخد زيادة ومكافأت لدرجة إنهم قالوله اللي هايجي يشغل بعد كده ويسمع عنك هايضيع مرتبه مخصوص علشان يبقى زيك

في ناس شايفه انه لو دور عليه هايلاقيه

وفي اللي واقف ساكت واترسم على وشه نظرة شفقة

وغيره اللي شايف انه ضاع خلاص وانه يستاهل

..

قعد يفكر ياترى الجنية ده يستحقه , كان هايعمل بيه إيه , محتاجه , فارق معاه ولا مؤاساة الناس ليه هي اللي فرض عليه الحزن , ولا ياترى انه شايف غيره فرحان بجنيه ده هو اللي مزعله !!
مش عارف يفكر كويس فبدأ يفكر في كلام الناس ويصنفه ..
ياترى ده أمل ! ولا يأس ! ولا واقع !

...
وبين فكرة وفكرة 

بيبص على الأرض متمني إنه يلاقيه

حكايات رعب .. المفروض تخاف ( عوووو )

هو جدي حصلت معاه حاجة

مرة كان مروح من الشارع اللي بيروح منه بقاله 20 سنة وهو راجع من المطار ايام الحرب وساعتها كانت كل البيوت بتضلم عشان الغارات والضرب والطريق كان واسع جدا والمفروض يعدي لقى قدامه حيطة جه يرجع بضهره لقى حيطة تانية واتحبس

نده على ابوه (اللي هو ابو جدي) قال له المكان فيه مارد وفضل يقرأ سورة يس تقريبا ربع ساعة والحيطة اللي كانت مانعاه اختفت

.................

كان في يوم جد صاحبتي ليه جار غني جدا ومالوش اصحاب غيره .. الراجل دة كان وحداني مالوش حد غير عم حسن (جد صاحبتي) وفي يوم جاب اتنين زمايله يسهروا معاه في الشقة وكان عنده كلب.. الراجل دة هما ملوا الحوض وغطسوه فيه موتوه وساعتها عم حسن كان الوقت ليل وهو طبعا بينام بعد العشا سمع جاره بينده ويقول (الحقني يا حسن الحقني يا حسن) وللأسف عم حسن افتكر انه بيحلم وكمل نوم وساعتها الراجل مات بعد ما خبطوا راسه في البانيو وغرقوه والكلب جري فضل يخربش في باب عم حسن انما لا حياة لمن تنادي الراجل كان في سابع نومة.. المهم بعدها الحكومة جات وقتلت الكلب وقبضت على اللي قتلوه .. لكن فضل عم حسن كل ليلة يسمع صوت القتيل وهو بيندهه ويقول له الحقني يا حسن الحقني يا حسن ماستحملش شهور وعزل :)

اتمنى تكون عجبتك بصراحة