الإنتقام البسيط

بتلذذ أوي بمنظر الناموسة وهي غرقانة في الدم على إيدي بعد ما أقتلها 

تشرب شوية من دمك وبدل ما تكتفي بيه وتطير

لا ، تفضل قاعدة وتمص وتشرب أكتر لغاية ما تصاب بالتخمة

أقوم أنا أقتلها ، علشان تعرف إن الطمع وحش

الطمع وحش يابني أدم

الشك و "Reaction Formation"

الواحد من كتر ما هو بيفكر في موضوع ما وبيوصل لنتايج متناقضة
بدأ يشك إنه بيخوض فترة الـ"Reaction Formation"
بيعتقد حاجات هو مش عايزها
بس المصيبة الأكبر إن النتايج اللي بتوصل ليها ممكن تكون صح
لكن لسه ماوصلش لنقطة ترابط بينهم - الصورة الأكبر -
فمن هنا يبدأ الشك يستغله ويحاول يبينه إنه النتايج دي غلط , ومش كده بس , بل ممكن يحاول يشككه في طريقة تفكيره من الأساس
واستغل معرفته للمعلومة دي "Reaction Formation" كمدخل لأغراضه الدنيئة
.....

Reaction Formation : It's doing the opposite of it really felt unconsciously.
A mother may be over protecting to her unwanted child. 

#ASK : إزاي بتقدر تسعد نفســـك ؟ بحاجات بسيطة ؟

إزاي بتقدر تسعد نفســـك ؟ بحاجات بسيطة ؟

انتحر مثلاً

- بس الأنتحار حرام

طيب أقتل الناس كلها

- برده حرام

طيب أنا عرفت الحل , ومش حرام

- إيه ؟

أتعلم فيزياء وعلم الفضاء واشتغل في ناسا واكتشف كوكب يصلح للحياة عليه 

وادعي مجموعة من الناس واقنعهم يروحها يعيشوا هناك 

ولو نجحت الفكرة وقدروا يعيشوا , هابعتلهم باقي كوكب الأرض 

وأعيش هنا للوحدي 

كوكب الأرض ملكي يا كلاب

- O.o , بس كده مش حاجات بسيطة !!

طيب انا عندي فكرة تانية 

هاعيد استنساخ هلتر وأجيبه يعمل فكرته عن التطهير العرقي وسيادة الجنس الآري وتفوقه.

بس انا هالعب في دماغه وابقى انا الجنس الآري الوحيد

وأخليه يخلص على كل الناس 

لحد ما نبقى انا وهو بس 

وفي الآخر يكتشف انه من جنس آري فيقتل نفسه 

وأعيش لوحدي على كوكب الأرض

بس هايبقى في مشكلة 

- إيه ؟

الجثث هاتملى المكان 

فأنا أقوم مخترع "wall-e" ينظف لي المكان

وأعيش برنس

المرضى يُنسون ، من يبقى خالداً هي الأمراض

لا تصبح وغداً للأبد يا صديقي ، الأوغاد مثيرون للشفقة ..

كذلك المرضى ، لا شرف في كونك مريضاً على الإطلاق

لن تُعد بطلاً إذا مُت من المرض

لن تُعد بطل إذا قاومت الآلام وتوجعت في النهاية

لن تُعد بطلاً ياصديقي على أي حال كان

ستموت ..

ستموتُ ذليلاً  ..

وإن لم يكن من المرض ، فسيكون بنظرات الإشفاق

تذكر يا صديقي ، المرض معركة

ستحارب كائناً لا تراه بعينيك 

فمهما بلغت من قوة لن تستطيع إيقاف ضرباته المباغتة إلى الأبد

وسينتهى بك الحال طريح الفراش ، مثيراً للشفقة ، تنتظر أجلك

تلك المعركة المحسوم أمرها قبل بدأها ، أترغب في خوضها ؟!

عربية عم حسين

مروح امبارح وراكب عربية بتوصلني من السلم لحد البيت
فالمهم كنت راكب , أنا في الكنبة اللي ورا وعم حسين السواق وست عجوزه جنبه
ويشغل عم حسين الراديو ونسمع أغنية بشرة خير ويبدأ عم حسين بالشكر فيها ويوصف قد إيه هي جميلة والست اللي جنبه بتأيده
وفجأة ألاقي الست بدأت ترقص في العربية
مشهد غريب بيحصل قدامي وانا مش متسوعب ومتنح , أي نعم سبق لي أن سمعت وشوفت فيديوهات عن النوع ده , لكن تقابلهم وجه لوجه - أو في حالتي وجه لقفا - حاجة تصدم
وشويه ينضم للملهى الرقصي اللي ماشي ده ثلاث أشخاص
لتصبح العربية فيها 6 أشخاص
عم حسين وشخص معاه في مقعد السائق
الست الراقصة في مقعد جنب السائق
و3 في الكنبة الخلفية وأنا بتوسطهم
(( أوعى تستغرب 6 أشخاص في عربية مش زحمة زي ما أنت متخيل
لو كنت معايا من يومين كنت هتلاقيني أحد التمن أشخاص الراكبين في الكنبة الأمامية في الميكروباص الخارج من القصر العيني المتجه للمنيب
ام وطفليها الاتنين على يسارك - طفل على حجرها وطفل آخر جنب الشباك قاعد على طرف الكنبة مفعوص وطالع عينه علشان بس تتهرب من إنها تدفع له كرسي
وسيدتان على اليمين وبنتاهما الاثنتان على حجرهما
ومفروض منك تخلي مكان بينك وبينهم علشان ماتلمسوهمش , شايف بقى عربية عم حسين وسعة قد إيه !! ))

نرجع بقى للعم حسين
مازال عم حسين قاعد يبين مواطن الجمال في الأغنية
لحد ما انضم إليه اللي قاعد جنبه وبدأ يجمل ويعظم في السيسي وقد إيه إنه قائد عظيم ولم يخلق مثله وبتاع , موجهاً كلامه للي على يميني - نسيت أقولك إنهم أصحاب -
ولما اكتشفت السيدة العجوز إنه قاصد السخرية بكلامه , بدأت تشتم في الأخوان
وعم حسين قاعد يمدح في شعب مصر وإنه أحسن شعوب العالم
فما كان من الراجل الإ إنه واصل سخريته وفضل يوافقها على ان الاخوان هم السبب
وأخرج لسانه ليستهزأ بالعجوز أكتر وصديقه مستمر في الضحك
وفجأة لقيت الشخص اللي على يساري أنفجر وبدأ يتكلم بشده ويقول أيوة السيسي قاتل وأمن الدولة راجع والدم هايبقى أكتر
ويوقفه الشخص الساخر بكلامه بأن آمن الدولة عمرها ما أذيت حد و دي حاجة كيوت وكده
*وأنا قاعد في النص متابع بصمت وهأموت وأضحك بسبب المسرحية اللي بتحصل قدامي"
وبينما وهم بيتكلموا يغلط اللي على يساري في الدين علشان يوضح النفخ اللي هايحصلنا في المستقبل
----------
*هنا بقى دار حوار في بالي :
- لازم أسكته ده غلط في الدين
ياعم على أساس هايفهموا , انت مش شايف اللي بيحصل قدامك ؟!
- الدين مش بتاعهم علشان يغلطوا فيه"
----------
وهنا قررت أتدخل وأسكتهم وبدأ كلامي :
بعدين عن كل حاجة أنا مليش دعوة بالسياسة والهبل ده , لكن أنك تغلط في الدين يبقى تسكت -وبدأت أوضح شناعة غلطته دي وإنها تعتبر شرك أصغر واستهزاء بالدين -
وهو عمال يبدي في مبررات من أن الكلمة طلعت غصب عنه وإنه مش قاصد
ويقف عم حسين وينزل الست العجوز والساخر وصاحبه
و يختم الساخر دوره في المسرحية بكلمة "ما الراجل قالك استغفر الله  ,الدين رحمة" ويغادر
وهنا انفعلت وزاد غضبي أكتر (( ماهو بسبب الأشكال دي الدين بيفقد قيمته ويبقى خانة في البطاقة مش أكتر ))
ومازال اللي جنبي قاعد يبرر وإنه قال كده علشان الساخر استفزه وطلع لسانه للست فهو ده كان قصده يسخر منه هو كمان
- يعني هو مع السيسي بس كان بيسخر من الأخواني اللي كان عامل نفسه تبع السيسي علشان يسخر من الست اللي كان بترقص اللي هي مع السيسي , فهمت ؟! -
وعم حسين يتدخل ويحاول يبرر هو كمان
وانا برده لسه مُصّر إن اللي عمله شيء فظيع وأقول مش مبرر
والمبررات عماله تتوالى لدرجة أني حسيت إنهم بيطلوا العفو مني وأن كلمة "خلاص ماحصلش مشكلة" اللي هاقولها دي هاتغنيهم عن الحساب
وبعد ما روحت لقيت إن العربية دي شبيه بالبلد
من ناحية التفكير وأن كل واحد فاكر إنه أنصح من التاني
ومن ناحية الأخلاق اللي في انحدار مستمر
ومن ناحية الدين اللي كل واحد بيصنع منه دين جديد علشان مزاجه
------------
العبر المستفادة :
* ماتركبش ما ناس كبيرة لوحدك وخصوصاً لو منهم ست
* لو العربية مشغلة راديو أنزل
* ما تخليش حد يلغط في الدين لو في التفاصيل حتى
* ما تغلطش زيي وتنسى تقول "يا أخي أحا"

#بشرة_خير
#عربية_عم_حسين

لست بقاضي

لنتفق سوياً أنه لا يجوز بأي شكل كان أن يكون الإله ظالم 

كيف من الممكن أن يفنى المرء عمره في عباده إله يعتقد بظلمه ، وكيف سيثق به بأن يترك ظلمه ويحسابه حساباً عادلاً ليدخله الجنة ؟!

فأذا كنت تعبد إله وتعتقد بظلمه فهناك خطأ ما
إما في ذلك الإله ، أو في طريقة نظرتك وعبادتك له ..

ربنا قال في الحديث القدسي :
(( ياعبادي إني حرمت الظلم على نفسي وجعلته بينكم محرماً فلا تظالموا ...))
وقال في كتابه الكريم :
{وَلَا تَزِرُ وَازِرَةٌ وِزْرَ أُخْرَى}

فعند سماعك لحديث مثل "من زنى زني به ولو بحيطان داره"
لا تحتاج للبحث لتدرك عدم صحته
فربك ليس بظالم وليس بذلك الضعف الذي يمنعه من عقابك ليلفت إلى أقرب الناس إليك

وليس من الضرورة أن ترى تلك النهاية الموحشة لذلك الظالم على أرض الواقع كما يصوره المخرجين والأشخاص المتخصصين بفبركة الحكايات على مواقع التواصل ..

متى سيدرك البشر أن الله ليس في حاجة إليهم ليحقق شريعته ودينه في الأرض !!

إلى أجل - قابلة للتعديل -

واعتقاداً منه بأن الكلام عن ذاته يثير الشفقة فاختار الصمت ..

وأصبح لا يتكلم بكثرة وإن تكلم فمن أجل الهروب من صراعات المستمرة مع ذاته ..

بشكل ما رغبة في عدم إثارة الشفقة أصبحت مثيرة للشفقة .. ــــــــــــــــ

Vicious Stereotype

- and you can have a nice

pile of bananas, all right?

Bananas .. !

Oh, I see

Because I'm a monkey, I

must love bananas, right?

That is a vicious stereotype.

- You don't like bananas?

Of course I love bananas.

I'm a monkey, don't

be ridiculous .

I just don't like

you saying it.

  Oz the Great and Powerful

لية تتحرش ؟؟

*يرجى مشاهد الفيديو في البداية*


ــــ اللي عنده سيع سنين بيتحرش ليه ؟!
 بيتحرش علشان من طبيعته إنه بيقلد وعايز يبقى كبير -والكبار ما شاء الله عليهم قدوة -
والسبب في إنه عايز يكبر الكلام اللي بيسمعه .. أنت لسه صغير , ده كلام كبار , لما تكبر هاتفهم ..
وعلشان كده بيحاول يقلد الكبار علشان يبقى زيهم وبما إن عقله لسه مش عنده القدرة إنه يحدد الصح من الغط , فبيعمل زيهم


ــــ المدرس بيتحرش ليه ؟!
لأن التدريس بالنسبة له وظيفة من أكتر ومش شرط علشان بتدرس وبتقرأ عن العلم إنه يرتقى بيك - المفروض كده بس مش لازم -
وبرده لاحظ إن وظيفته بتيح له التعامل مع قدر كبير من البنات وبالتالي فغرائزه الحيوانية اللي مش مروضة مش هايعرف يجحمها
وخصوصاً لو كانت البنت في مرحلة المراهقة اللي بتتميز بالهرمونات وزي ما أنت عارف إن الهرمونات ليها تأثير على الأفعال -  الحامل , وقت الـ Menstruation -
فما بالك بقى بطفلة بتقاوم الهرمونات دي , فالتالي أفعالها غير محسوبة
قال تعالى ( فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفا )

ــــ أمين الشرطة بيتحرش ليه ؟!
علشان سلطة وفرض سيطرة والدليل البهدلة اللي كانت بتحصل لأي حد بيعدي قدامه - ممكن تسأل السواقين عنها -
وبعدين اللي بيقتل بدم بارد وبيخبط في الكل هايجيب على أضعف كائن في المجتمع ويسيبه - بذمتك مش عيبه في حقه !! -


ـــــ بيتحرشوا بالأطفال ليه .؟!
فده حضرتك حيوان بس جبان , وغالباً تحرش الأطفال بيبقى تحرش أسري - زي البنت اللي عمها اغتصبها -
عامة التحرش الأسري سببه مثلاً أن الأب أو الأم مش هايصدقوا عيل وحتى لو صدقوه فغالباً كما العادة هايداروا
ومن برده إن العلاقة بين الطفل وأهله زي الزفت وبالتالي مش هايقولهم , شايف إنهم هايكدبوه
وأسباب تانية نادرة أن الطفل ممكن يعتبر اللي بيحصلها ده عقاب ليهم في شرفهم - لو الموضوع تمادى -


ـــــ مدير الشركة بيتحرش ليه ؟!
زيه زي أمين الشرطة وزي أي حد يمتلك قوة
لو هتقرأ في الإعلانات هتلاقي إنهم بيطلبوا بنات حسنة المنظر بشكل مبالغ فيه ليه ؟!
وبعدين نحاول ننزل للمستوى الحيواني بتاع المدير ده ونتخيل :
"دلوقتي أنا لو قربت منها هايحصل إيه ؟ يا تبقى شمال و تجر ناعم معايا علشان مرتب وفلوس ويا بختي وهنيا
او تبقى محترمة وترفض بس مش هاتتكلم على الشغل وكده برده مش خسرنا حاجة
أو تسيب الشغل من سكات علشان تحفظ نفسها وسمعتها"
أنت فكرك إن كل الشركات في مصر علشان هي بيئة عمل ناجحة ومناخ اقتصادي والهبل ده !!
دي موجود علشان سهولة التجاوزات اللي ممكن تحصل فيها من غير شوشرة


ـــــ المتجوز بيتحرش ليه ؟!
الأول لازم نوضح إن الجواز عندنا سبب "الجنس الحلال" وده بيتمثل في أغلب جوازات الصالونات مش كلها
فـزوجته بالنسبة له وسيلة لتأدية "Sexual intercourse" بطريقة كاملة
فأنت مفتكر إنه الجواز هايضيف لحياته حاجة ؟!
ممكن يمنعه لفتره لكن سرعان ما يعود لأصله الحيواني لو انفصل عن مراته لفتره - سفر , وجود مانع شرعي , مشاكل مع مراته -


ــــــ بيتحرشوا بالمنقبة ليه ؟!
المنقبة دي بالذات أكتر واحدة ممكن تجيب في باله إنها هاتسكت علشان سمعتها


سبب أحبه أضيفه :
الرغبة في فرز الهرمونات - الأدرينالين -
عارف الشخص اللي بيتحرش ده بيفرز كمية ادرينالين قد إيه من كتر ماهو خايف وبيفكر هيدخل ازاي , هايهجم ويأخد غرضه ازاي , هايهرب ازاي .. ده ممكن من كتر خوفه يدعي ربنا إنه يوفقه في الجريمة دي
الشخص ده غرضه الأساسي التجربة مش التحرش
الشخص ده الجبان منه تلاقيه بيقول : " "انا عندي استعداد للانحراف بس مش لاقي اللي يوجهني"
دول بيدورا عن متعة الحرام مش أكتر اللي بتتمثل في الهرمونات


التطنيش , الخوف على السمعة , إنك تخرم الحيط وتمشي جواه عمرهم ما جابوا حق حد
مشكلة التحرش عامة مش مشكلة واحدة بس ومستحيل يكون ليها حل واحد بس
مشكلة التحرش دي عبارة عن ناتج مجموعة مشاكل في البلد والمجتمع


* الأسباب اللي أنا قولتها دي مش مبرر بس محاولة مني للنظر عن قُرب ومعرفة أصل المشكلة
* مش عيب إنك تُستثار , العيب إنك ما تمسكش نفسك وتتحكم في رد فعلك
*  قوله تعالى : { وقل للمؤمنين يغضوا من أبصارهم }
* قال رسول الله صلى الله عليه وسلم: ( يَا عَلِيُّ لا تُتْبِعْ النَّظْرَةَ النَّظْرَةَ فَإِنَّ لَكَ الأُولَى وَلَيْسَتْ لَكَ الآخِرَةُ )
*** بالمناسبة المتحرشين مش بيقرأوا

...............
شكراً لكل من شارك في الفيديو

محاولة لكتابة حلم

بما أن الأحلام بتتنسي فور الصحيان بدقائق فحاولت أوثق الحلم على قد ما افتكرت :

بجوار ميدان التحرير عن سور وزارة الداخلية ، ناس نايمة على الأرض ومتغطية ببطاطين واحد منهم زرقاء ، بعد ما كان في اجتماع وانفض والداخلية واقف بتغني لحد كا اقترح حد اننا نرمي صورنا اللي صورنها في الهوا ، فانا روحت اجيب الكاميرا لقيت المكان فيه ناس نايمة وواحد والسور عالي وعلي اكتر بس مش عارف يغطي على عمارة الميدان اللي عليها لوحة ، وانا بحاول اصور واضبط في الكاميرا لحد ما صورت صورة وقايم امشي بسرعة لقيت باب حديدي قدامه واحد محلامحه بتقول مش هيخلاينا نعدي او المطلوب منه كده ، بس سبنا وعدينا

حوار بيني وبين واحد غيري :

بيقولولي وريني الصور فانا بتحجج واقوله ثلاث صور واحد حلوة بس فيها حد اعرفه مش هانشرها

وراحدة مهزوزة والآخيرة حاولت اداري عليه بس في الاخر رضيت وريتهاله

بس الغريب اني كنت بره جسمي متابع الحوار من بره ومالي وعايز اشوف الصور زي اللي بيحاورني وانا مستغرب مني مش عارف ليه

#العرص_من_وجهة_نظر_آخرى

- إيه رأيك في السيسي ؟

ربنا معاه ويصبره على ما بلاه بيه

- إيه ، أنت مؤيد ليه ؟!

لا ، بتقول كده على أساس إيه ؟!

- ما أنت قاعد تقول ربنا معاه ويصبر على مصر وناسهم اللي ربنا بلاه بيهم ..

لا يا عم أنت فاهمني غلط

- أمال ؟!

قصدي بس إنه مريض و ربنا يصبره على مرضه

- مريض إزاي ؟! ده من شروط الترشح إنه يبقى سليم !!

طيب هافهمك ، السيسي وهو بيتكلم بتلاحظ إيه ؟ مش بتلاحظ إنه بتكلم بعاطفة ومُحن زيادة ؟

- أيوة عندك حق ، أوفر أوي

وعلشان الأفورة دي أنا شكيت إنه عنده الكبد

- إيه اللي دخل الأفورة والمُحن في الكبد ؟

ماهو الكبد من وظايفه إنه في الراجل بيغلي فعالية الهرومونات الأنثوية والعكس في الست

وعلشان الأفورة والمُحن دي مش بتنبع من راجل سليم ، فلازم يا يكون أصله بنت أو عنده الكبد

- طب ممكن يكون أصله بنت ؟!

ممكن ..

النازية مصلحتك أولاً

يبدأ المشهد

بحوار بين مواطنين عاديين في الشارع :

ركز معايا أنا هاقنعك بالنازية والتطهير العرقي
الحاج هتلر عمل إيه ؟

- قتل الناس ما عدا الجنس الأري علشان كان فاكر إنهم هم أصحاب اليد العليا

برافو عليكم ودا كان السبب في أن الألمان عموماً عندهم نسب أمراض أقل من غيرهم

- أيوة تمام بس عايز توصل لأيه يعني ؟

استنى بس وتخيل معايا كده إن البشر اتقلبوا لزومبي زي "ورلد وور زيد"
وأنت "براد بيت" هاتعرض نفسك للخطر علشان تجيب لبنتك الدواء ؟!
لو كان في تطهير عرقي بنتك كانت هاتبقى سليمة و هاتهرب من الزومبي على طول

- ترتسم عليه ملامح الإندهاش و الإقتناع ويقوله عندك حق

وينتهى المشهد بالمواطنين جالسين على عدد من الجثث بالأصبع الفوسفري يحتسوا بعض العناب والشاي بلبن

ويأتي صوت من خارج الكادر :

"لو نفسك بشاي ولبن زيهم إنزل و قول نعم , النازية مصلحتك أولاً"

......

الله.
الوطن.
التطهير العرقي

كما الآلي ..

معرفتك بالله نظرية ليست أكتر ، تعرف ماذا يجب عليك فعله وتركه ..
تعرف عن عدله وعن رحمه وعن علمه وقدرته ، تعرف ما يجب على المؤمن معرفته لكن الفرق إنك قرأت عنهم مش أكتر
كألي أفني عمره في القراءة عن المشاعر ، فهو يعرفها ويقدر على وصفها وفي كثير من الأحيان أحسن مما يشعر بها ، لكنه يظهر في النهاية آلي لا مشاعر له ..

تستريح فين ؟!

عملوا تجربة واكتشفوا ان "الحمام" الأول هو أقل "حمام" الناس بتدخله , الناس كلها بتتنصح وبتتذاكي
( زي ما مصر كلها بتشرب كوباية القصب من الأيد بتاعها , واللي ذكي فيها بزياده بيشرب من الناحية اللي قصاد الأيد ) ..
بس ماعملوش حساب أن اللي بطنه بتوجعه , ماعندوش وقت يتنصح فبيدخل "الحمام" الأول 
فأنت عليك ان تختار بين :
"الحمام" الأول اللي بيدخله اللي بطنه وجعاه 
وبين "الحمام" الثاني اللي بيدخله الناس اللي بتتنصح - اللي هم في بلدك , الناس كلها -
..
هتختار إيه ؟!

إياك تعادى عقلك .. هايفشخك

هحكي لكم النهارده عن أحد طرق العقل اللي بيفشخ بيها ..

لنفترض انك زعلت حد غالي عليك - والغلط راكبك من ساسك لرأسك وانت عارف كده -
ومش لاقي طريقة تعتذر له بيها لكنك شايف غلطك أكبر من أن الكلام والـتآسف مش هايخليه ينسى
فكل شوية تقعد تفكر في الموضوع وبينتهي التفكير بأنك مش عارف تلاقي حل وأن عقلك يتفشخ ..
فعقلك يحب ينتقم فيقوم يعمل ايه ؟!
يتنسى لما تنام ويقوم هو يطلع كل اللي عملته فيه وانت صايح
ولما تقوم تفضل كئيب ومخنوق ومش قادر تفكر بس لسه فاكر الموضوع إياه
فعقلك مسيره يرضى عليك سِنّة فيعمل ايه ؟!
يقوم مخيلك انك صالحت اللي مزعله في الحلم , لدرجة انك تقوم بجد سعيد وفرحان وعندك احساس داخلي ان الموضوع خلص
فتقابل الشخص اللي انت مزعله وتكتشف ان هو زعلان لسه
فتكتشف ان عقلك خدعك وتخاف ترجع للحالة اللي أنت كنت فيها
فعقلك يستغل الفرصة دي ويخليك تكره اللي قدامه - والمبرر انه مش مقدر انت مريت بايه وانه لسه زعلان ! - ولا كأنك أنت اللي كنت غلطان
..
إياك تعادى عقلك .. هايفشخك